Page 35 - AWEM4MAY2017

AWEMainta Diahuebs, 4 Mei 2017 35

Minister Hooyboer-Winklaar:

Scol preparatorio Cacique

Aterima a ricibi renobacion

MINISTER di Enseñansa y Famia, Michelle Hooyboer-Wink-
laar, a bishita scol preparatorio Cacique Aterima, e studiante- y
maestronan p’asina e por a haya un bista rib’e trabounan di reno-
bacion cu a tuma luga, y cera conoci cu nan logo nobo.

E fondo pa asina por cubri e gastonan di e trabounan aki cu a sali
alrededor di 275 mil florin, cu a encera un cura nobo, verfmento
y otro trabounan necesario.
Minister Hooyboer-Winklaar ta mira cu e trabounan sigur ta satis-
fecho y e scol ta hopi contento tambe cu e trabou cu a tuma luga.
Alabes e parti di siguridad ta algo sigur cu ta duna un alivio pa e
maestronan, kendenan ta bisa cu ya no mester worry cu lesnan
indesea ta drenta of muchanan tambe ta sali.

Ta asina cu algun aña pasa Ministerio di Enseñansa a bishita tur
scol y nan a mira particularmente cu e scol akinan tabatin un cura
cu tabata den un estado hopi malo. Esey a causa cu varios persona
por a drenta rib’e tereno di scol, despues e orarionan di scol.
“Y e ta crea sigur un ambiente cu no ta safe y no ta contribui na
un enseñansa di calidad”, Minister Hooyboer-Winklaar a remarca.

A cuminsa busca e fondonan pa por cubri e gastonan, mescos cu
trabounan cu ta necesario na otro scolnan. E suma di 275 mil florin
no ta un suma chikito y cu obviamente ta pone cu e tramitenan pa
yega na dje mester a cana su proceso. Minister Hooyboer-Winklaar
ta sumamente contento cu a keda cla y e scol ta contento cu loke
a tuma luga eynan.

Como cu e ta un kleuterschool, e muchanan ta contento cu nan
por hunga liber den e cura di scol y nan no mester worry cu nada.
“Pero pa nos semper e ta trece alegria cu nos por yega un scol y
mira e trabounan cu a tuma luga, tambe pa combersa cu muchanan.
Nan ta den un fase inocente y pa splica nan kico tur a haci akinan.
Nan ta mas bien contento pa haya un bishita”, Minister Hooyboer-
Winklaar a remarca
Minister di Enseñansa ta sumamente contento di por a yega na e
scol y nan lo sigui bishita otro scolnan cu tambe a haya un cura
similar.