Page 12 - MINISTER RICHARD ARENDS

12 AWEMainta Diasabra, 25 Maart 2017

Premier Rutte masha positivo cu oportunidadnan DEN HAAG- Minister President Mike Eman y su

colega Juan David Yrausquin a subi e trapinan di ‘Het
cu relacionnan den Reino ta brinda
Torentje’ unda Premier Mark Rutte tin su oficina pa
“Aruba ta cana dilanti reuni cu ne riba varios topico cu ta regarda Aruba y
e relacionnan den Reino.
Rutte a bisa na final di e reunion cu e encuentro
den inovacion” tabata uno bon.

“Mike y ami ta colega pa hopi tempo caba. Mi tin
un aprecio grandi p’e forma con na Aruba e semper
sa di dirigi e asuntonan den bon direccion. Ta pesey
mes tambe cu mi ta dese’e tur clase di exito den e
eleccionnan na luna di september na Aruba”.
Premier Rutte a splica cu awor cu na Hulanda elec-
cionnan ta tras di lomba, nan ta den e fase unda ta
sondea posibilidadnan di un coalicion.
Ainda no a tene ningun reunion cu contenido entre
partidonan.

“Pero, mi ta sigur cu ora esakinan cuminsa, cu e re-
lacionnan den Reino ta forma un parti esencial di e
reunionnan aki.
Mike y ami ta di opinion cu nos mester amplia e
relacionnan, cu nos mester papia con nos por traha
hunto riba cambio di clima, transicion di energia y
con hunto nos por usa y uni e forsa inovativo di Hu-
landa, pero tambe di e partinan Caribense di Reino.
Aruba ta cana dilanti, TNO a establece su mes eynan
y Mike a organisa algun tremendo conferencia. “

Pa Mark Rutte e relacionnan den Reino ta importante
p’e historia unico cu e partinan ta comparti cu otro.
“Pa por pensa cu un economia mediano/grandi den
Europa Occidental tin un relacion asina fuerte cu e
region Caribense ta algo apart. Historia a trece nos
hunto y e relacion ta trece cu ne oportunidadnan
unico.

Hulanda como portal na Europa p’e islanan di Caribe
y di otro banda e islanan por fungi como un brug entre
Hulanda y Central y Latino America. Asina ta cu di
ambos banda e posibilidadnan ta enorme.”

Por cumpra bo rifa di cas den weekend na Aruba Lions Club mes

ARUBA Lions Club ta duna tur persona e
oportunidad cu kier cumpra un of mas ticket
di e rifa di nos di 59 Cas pa por haci esaki
den weekend venidero cuminsando diasabra
for di 9’or – 12’or di merdia y diadomingo
di 10’or – 2’or di atardi na nos oficina na
LIONS DEN na Engelandstraat 11 Eagle.

Por yama tambe telefonnan 5821118 of
7332734, p’asina nos ta mas cerca di bo na
unda nos por ofrece bo ticket di rifa p’asina
bo liña ta awa. No perde e oportunidad aki
di ta doño di bo cas pa solamente Afl. 25,- y
asina bo tambe yuda e comunidad Arubano.