Page 66 - AVP

For Di Prome Ora Di Awe Mainta A Tuma Lugar

Varios Entrada Hudicial, Y Tur Esaki Relaciona Cu

Negoshinan Haci Cu Otorgamento Di Tereno

 Local
- 02/10/2019

Awe mainta tempran Polis, Landsrecherche y RST a cuminsa na haci algun entrada
hudicial, cuminsando na cas di ex Minister Benny Sevinger y na cas di e co-propietario di
Canal 90, sra. Leoncita Arends y asina a sigui na mas cas, oficina.

Parce ta investigando e procesonan rond di otorgamento di tereno durante e periodo di
gobernacion anterior. Te ainda no a detene ningun hende, pero si a bay cu documento y
articulonan cu lo por ta interesante den e investigacion andando.

Anota presencia di Fiscal y Hues Comisario na cas di ex Minister Sevinger den Madiki,
mientras cu simultaneamente a drenta cas di Leoncita Arends na Sero Blanco. Tambe a
drenta cas di ex-coordinador di e Minister, esta cas di Gaby Werleman na Piedra Plat.

Mas den oranan di merdia a drenta e oficina di campaña di Benny Sevinger, y despues e
bishita oficina di Fast Delivery, unda a ser bisa cu un detencion a cay di un dama. Tambe
den oranan di merdia, a haci entrada hudicial na cas di difunto comerciante Maurice
Neme, kende ta masha conoci pa su lazonan cu drs. Marisol Lopez Tromp, siendo
Minister di MEP, pero awe ta miembro di fraccion di POR..