Page 69 - AVP

Pa loke ta pregunta, el a bisa cu diabierna ultimo nan a ricibi tres proposicion pa traha un

business plan pa Serlimar, mientras cu e ultimo Business Plan a finalisa na 2009.

Mirando cu no a traha uno nobo y no tin uno vigente, tampoco tin e cuentanan anual di

2018 aproba, el a puntra cu ki reglanan a maneha e compania y cual ta e necesidadnan

financiero, proponi den e ley. E kier haya un bista di entrada y gastonan envolvi den loke

mester bira e Maneho di Sushi. Pasobra e no ta compronde con por a traha un concepto di

ley cu tarifanan stipula, mientras cu e cuentanan anual di 2017 y 2018 apenas ta cla, pero

den concepto.

A menciona cu companianan cu no ta activo, lo keda exonera di cobransa. Pero e kier sa

con tin pensa di haci esaki. Pero tambe cu companianan registra na un adres di cas lo no

paga of wordo cobra dobbel. E kier sa con ta bay sigura esaki. A papia cu lo balansa e

asunto den loke e turista y negoshi ta paga pa e pueblo por wordo cobra menos. E kier sa

con a haci e calculo aki, si a haci un estudio.