Page 72 - AVP

Mas entrada hudicial a tuma lugar pa

caso Avestrus diaranson atardi

Posted on 10/2/2019 4:58 pm AST | Updated on 10/2/2019 4:58 pm AST

ORANJESTAD – E cantidad di entradanan hudicial a aumenta diaranson atardi
relaciona cu e caso Avestrus, ora cu dos comerciantenan conoci, Fam N, a haya
bishita di RST y polis diaranson atardi na Palm Beach, y tambe e oficina di ex
minister Sevinger, y un lugar di ‘delivery’. Fuera di esey, tabatin por lo menos un
entrada hudicial na un oficina di abogado na Corsou simultaneamente, manera cu
ministerio publico mes a confirma diaranson atardi. Ta trata di un caso di benta di
tereno di gobierno den un forma ilegal unda cu un minister lo tabata envolvi.

PROME ENTRADANAN

E prome entradanan tabata for di 6’or y mei di mainta, na cas di ex mandatario Sevinger,
sigui pa cas di comerciante Arends algo despues di 7’or, y campañador tambe di e
minister, aunke cu e ultimo no por a keda confirma pa noticiacla.com. Mientras cu no
tabatin detencion (ainda), no ta descarta cu esaki por sosode si ta necesario y si e
investigacion riba e loke cu a bay cu ne durante e entrada hudicial, ta haci esaki
necesario. Potretnan ta di archivo.