Page 10 - ARUBA BANK

tin 27.751,-florin cu no ta wordo belast. Ora cu caba di kita e suma aki, ta loke resta na

entrada ta laga e tabel indica. E tabel di cuater schijf, enbes di 14 schijf. Mayoria hende ta

bay dilanti, cu calculonan basa ariba e informacion di DIMP. Y tin hendenan cu ya cu tin

un salaris di 300 mil florin pa aña bay ariba, lo paga mas, ya cu ta schoudernan mas

hancho.

For di Young Professional tambe ta esunnan cu ta bay wordo afecta mas duro, cu e

grondbelasting, cu ta bay paga mas. Y si wak e 31 mil clientenan cu ta bay dilanti, eyden

tambe tin e grupo di Young Professionals. No tur hende ta bay atras den e Reforma Fiscal

cu ta consisti di diferente fase. Y e GB, LB/IB ta e prome fase, hunto cu BBO/BAZV cu

tambe lo tin algun cambionan cu lo drenta na vigor pa cu invoerrechten. Loke a conoce

como sin -taxes (tabaco, alcohol), belasting a wordo uza pa no stimula cierto
comportacionnan, cu ta dañino pa salud di hende, (humamento di) sigaria, consumo di

alcohol, ta trece complicacionnan ariba tereno di salud di nos mesun hendenan. Como

gobierno por dicidi di cu no kier stimula e consumo y door di hisa invoerrechten of

accijns ariba cierto productonan, e ta un indirecte heffing. E efecto directo ta cu e prijs ta

bay subi. Lo bay yega na e resultado cu kier. E ta un drempel pa esunnan cu ta uza

alcohol of sigaria, ta pensa dos biaha prome cu bebe alcohol of huma sigaria. Pero si e ta

un adiccion, ni con halto e prijs ta, e consumidor lo keda bebe of huma. Peor esey ta algo

cu gobierno tin’e na bista, y den e di dos tanda, lo por wak cierto cambionan ariba tereno

di juice, cosnan cu tin sucu, caminda cu ta mesun idea di cu no kier stimula e poblacion

pa uza of bebe cosnan cu no ta gezond. Y juist kier stimula un bida mas saludabel; e

comemento y bebemento saludabel.

Hendenan cu ta gana 5 pa 7 mil pa luna, cu ta 60 mil florin pa aña, tabata paga den Tarief

I tabata paga 5004 florin na IB of si e ta cay bou di tarifa 2, cu ta hoogtarief, lo paga

5279, awo e lo paga 4514 florin. A base anual, e persona aki ta cay bou tarifa 2, e ta bay

765 florin dilanti, a base anual. Ta haya un 64 florin pa luna extra den bo saco. Esaki ta e