Page 7 - ARUBA BANK
P. 7
Aruba Bank a organisa un evento di “Hour of Code” pa un total di 50 studiante di Pius X
Basis School. E mainta aki e muchanan tabata contento di e oportunidad y experiencia cu
nan a ricibi di e “Hour of Code”, presenta conhuntamente cu e boluntarionan di Aruba
Bank.
E evento di “Hour of Code” ta pa introduci hobennan na e ciencia di “coding” y
“programming”. Un team consistiendo di “Developers” den e team di IT di Aruba Bank a
forma parti di e mainta aki. E coleganan tambe a haci un “Demo” di un ehempel con un
“simple coding” por soluciona un problema of haci e proceso mas facil of eficiente pa un
scenario den banco.
E meta di e iniciativa di Hour of Code ta hopi importante pa mundo henter, mirando cu
tecnologia ta forma un parti primordial awendia. Ta importante pa nos den sector priva
por yuda nos hobennan cu “skills” of habilidadnan cu lo yudanan ta mas innovativo cu
nan por uza den cualkier profesion den futuro.
