Page 24 - WEB

Ora Chavez a subi, Venezuela tabata un pais poderoso y fuerte den e region. E poder di
petroleo, tabata hustamente e arma cu Rusia tabata busca despues di e caida di Union
Sovietico.

Chavez a duna Venezuela un man ora el a bende e accionnan di Venezuela den cuatro
refineria na Alemania cu Rusia, cu a haya poder nobo na e pais.

E expansion a sigui cu programanan petrolero den region di Caribe, cu Chavez a uza pa

expansion Comunista.

Chavez mes no tabata mira e importancia grandi di Citgo na Merca. Sinembargo,
Chavismo tabata uza Citgo como un fuente di entrada pa expansion comunista y e

poder cu petroleo tabata duna Chavez y otro exponentenan di su grupo, cu a acumula
rikesa y fortuna personal grandi.

Aruba tabata na haltura cu Nicolas Maduro tabata kere den uzo di Citgo, cu tabata den

mal situacion financiero, como borg pa haya placa.

Nicolas Maduro a entrega Rusia e arma grandi di Citgo na Merca a cambio di mas
placa y sosten pa su regimen.

For di 2016, ora Aruba a firma e acuerdo cu Citgo, gobierno di Aruba tabata na haltura
cu e compania tabata wordo hipoteca. Mike de Meza a admiti publicamente cu e tabata
na haltura di e desaroyonan pero no tabata mira peliger.

Na 2018, ora e situacion di Citgo Aruba, region di Caribe y na nivel internacional a
escala, DIARIO a adverti cu e refineria di Citgo na Aruba lo a hinca Aruba den centro di
un crisis mundial, cu lo a bira peligroso pa Aruba.

Awe desaroyonan cu for di 2018 DIARIO a anuncia ta bira realidad, DIARIO ta presenta
e base y pruebanan pa su postura enfrente e refineria na Aruba, cu a pone un laso
directo entre Aruba y un crisis mundial.

https://www.diario.aw/2019/08/chavez-a-entrega-rusia-poder-petrolero-na-caida-di-union-sovietico/