Page 6 - MIN ON

“Penchi e conenchi cu su skeiro di djente” a bay San Nicolas

Friday, 12 May 2017 08:29
Comparti

Manrique Capriles un empresa prestigioso estableci na Aruba, specializa den diferente producto di
beyeza entre otro hygiene oral a mira e balor y importancia cu e buki 'Penchi e conenchi cu su skeiro di
djente' tin pa e salud di nos muchanan.

Den nomber di nan renombrado producto Listerine a tuma e iniciativa pa regala 50 buki na 5 diferente
school ubica na San Nicolas, e buki lo bay forma parti di e coleccion di biblioteca di e scolnan aki. Dos dia
largo representantenan di Manrique Capriles sra. Nidia Boye den compania di e autor sr. Gerald Franca a
bishita e diferente scolnan. E prome dia a bishita school Hilario Angela caminda juffrouw Jandroup a
ricibi e representante di Manrique Capriles sra. Boye y sr. Franca. Despues a sigui pa Paulus School
caminda Jufrouw Corneli a atende cu nan y ora nan a caba nan a pasa na Santa Filomena school cerca
meneer Nuñen. E siguiente dianan a bishita e school Santa Filomena cerca jufrouw Vingaly por ultimo
Graf van Zinzendorf school cerca Jufrouw Geerman. Cu un cara di alegria y entusiasmo di felicidad e
cabesantenan y e alumnonan di e scolnan aki tabata ricibi e bukinan cu e comentario cu nan lo bay
contribui grandemente nae lesnan di salud cu nan ta hayando. Sr. Franca durante e bishitana e diferente
schoolnan mester a conta e storia di e buki y con a traha e buki.