Page 19 - AWEMAINTA

AWEMainta Diabierna, 2 Juni 2017 19

Lotto ta felicita

E amazonanan di Aruba cu a logra
E amazonanan di Aruba cu a logra

conkista no menos cu 30 premio den
conkista no menos cu 30 premio den

e Spectrum International na Florida
e Spectrum International na Florida

RECIENTEMENTE e delegacion di Aruba den e deporte di Paso
Fino a biaha pa Florida unda nan a competi den e un competencia
internacional renombra di cabay, esta e Pre-Spectrum International.
Mester bisa cu e participacion internacional tabata grandi y un bes
mas e delegacion di Aruba a sa na sobresali y demostra mundo henter
cu nos ta un di e mihornan den e continente aki.

Mester cu tur e dianan di competencia Aruba a demostra su clase
unico y a logra varios premio cu Zoey Arends, Elisabeth Johnson,
Melanie Wever y Natalia Mouawad.
Nos amazonanan a logra triunfa den e categorianan di Pleasure,
Performance, International Equitation, Performance 3 year old Fil-
lies, Performance Fillies & Mares, Pleasure Jr. Youth, Classic Fino
Stallions, International Equitation 7-24 aña, Classic Fino Jr. Youth
y Pleasure Fino.
Remarcabel ta cu nos amazonanan a competi den algun categoria cu
nunca nan a competi den dje y asina mes a sa na improvisa y adapta
n’e reglanan y tog cay den premiacion.

Esaki ta muestra cu nos amazonanan tin e habilidad y maneho di e
cabaynan nobo y cumpli cu tur e rekistonan poni pa nan.
Pa loke t’e prome lugarnan den e diferente categorianan mester bisa
cu Aruba a logra en total 10 prome lugar cu Melanie Wever kende
a logra 5 prome lugar, sigui pa Zoey Arends y Elisabeth Johnson
kendenan a logra 2 prome lugar cada uno y Natalia Mouawad a
logra conkista 1 prome lugar.
Es mas hunto e 4 amazonanan a logra gana 20 premio mas cual sigur
ta un prestacion di kita sombre.

Lotto ta masha orguyoso di nos amazonanan di Aruba cu un bes mas
a sa na saca cara di nos dushi isla den un competencia di cabay den
exterior. Esaki sigur no tabata posibel sin e bon den e deporte aki.