Page 23 - AWEMAINTA

AWEMainta Diabierna, 2 Juni 2017 23

Rev. Fr. Wieslaw “Santiago” Tomasik

a celebra 30 aña di sacerdocio

DIA 31 di mei ultimo, Rev. Fr. Wieslaw “Santiago” Tomasik di Paroka Santa Anna
di Noord a celebra su 30 aña cu e ta sacerdote. Di e 30 añanan aki e ta 9 aña pastor di
parokia Santa Anna.

Pastoor Santiago a experencia e tormenta pisa na augustus 2011 cu a causa hopi daño n’e
misa di Santa Anna. Bao di su liderasco a recauda fondo pa reconstrui e dak di e misa.
Tambe e a traha rib’e renobacion di e altar neogotico. Cu mester a wordo
haci cu experticio di exterior pa falta di esaki na Aruba.
Ademas, e ta trahando rib’e Plan Pastoral Diocesano desde
2008 y ta continua te dia di awe.
Pastoor Santiago tin hopi atencion p’e hendenan grandi
di parokia. Y su amor p’e muchanan di parokia ta grandi.
Su precupacion pa e personanan di menos recurso ta
enorme. Y ta preocup’e hopi cu e cantidad ta creciendo
y recursonan pa yuda e personanan aki ta bira poco.

E parokianonan di Parokia Santa Anna di Noord
pa medio di esaki kier expresa nan gratitud
inmenso na pastoor Santiago pa tur e traba-
onan cu e ta desplega pa nos parokia.
Y dun’e masha pabien cu su 30 aña di sac-
erdocio. Cu Dios bendicion’e rikamente y
cu Dios dun’e sabiduria y pasenshi p’e sigui
traha pa nos parokia.

MASHA PABIEN PASTOOR SANTIAGO!