Page 25 - HOH
P. 25
Poco tempo pasa, Urgent Care Aruba (UCA) a finaliza e desaroyo di e di dos fase di su
Departamento (Afdeling) di Radiologie. Ubica na Centro Medico Noord, UCA bira e
prome y unico departamento priva di imahennan na isla di Aruba. Esaki tabata posible
door di e instalacion di un sistema nobo Digital di X-Ray (Röntgenfoto), di e manera
aki, UCA ta complementa e servicionan di ultrasound (echo) cu ya caba nan tabata tin for
di cinco luna pasa.
Tur e aparatonan di imahen ta di General Electric (GE) Healthcare, un compania lider
mundial den tecnologia medico y ciencianan pa bida, y a wordo implementa na Centro
Medico Noord door di representante di GE cu soporte y colaboracion cercano di e
contratista local BOPEL Aruba, y supervision di DTI (Directie Tecnische Inspectie)
y ELMAR.
“Nos a standariza den e sistema di imahennan di radiografia (x-ray) digital di GE pasobra
nan ta ofrece un calidad di imahen excelente, un software avanza di mehoracion di
imahen cu ta ofrece e detayenan di diagnostico preciso rekeri door di nos dokternan di
UCA y especialistanan medico y huisarts” asina Dr Carlos Yagua Velasquez, director di
Urgent Care Aruba (UCA) a bisa.
