Page 16 - CMB

42 Djaweps 15 Novèmber 2018
Reserva di
divisa a sigui
na mesun nivel

di 1.89 miar
den novèmber

WILLEMSTAD.- Den e
promé siman di novèmber
nos reserva di divisa a
keda igual na loke el a
sera na fin di òktober. Nos
reserva di divisa a baha
bou di e márgen di 2 miar
na fin di luna di sèptèmber
i nan a sigui baha den
e promé simannan di
òktober i keda asina te den
novèmber. Esei di akuerdo
ku e aktualisashon di parti
di Banko Sentral. Den e
promé siman di luna di
novèmber, el a bin keda na
1.89 miar. Esei di akuerdo
ku informashonnan ofisial
di Banko Sentral di Kòrsou i
St. Maarten.
Nos reserva di divisa pa
loke a bai aña 2018 a yega
su nivel di mas abou na fin
di luna di òktober. Si na
luna di febrüari e tabatin
su nivel di mas haltu na
2.43 miar, tòg na sèptèmber
el a sera na 1.947 miar i
awor den di dos siman di
òktober el a registrá 1.897
miar. Mester bisa si ku
reserva di divisa di paisnan
Kòrsou i St. Maarten a bin ta
konosé bahada den e último
lunanan, sigur den e último
kuater simannan. E nivel
di mas haltu ku e tabatin
último simannan tabata di
2.023 miar, pero el a baha i
yega na 1.959 miar den e di
dos siman, 1.955 miar den
di tres siman i na 1.947 miar
den di kuater siman. Esei
ta loke por konkluí for di
informashonnan suministrá
dor di Banko Sentral.
Si luna di yanüari 2018 a
sera ku un reserva di divisa
di 2.31 miar; na febrüari
esaki tabata 2.43 miar; na
mart el a sera na 2.38 miar;
na aprel 2.37 miar; na mei
2.38 miar; na yüni 2.42
miar; na yüli 2.38 miar;
na ougùstùs 2.05miar i na
sèptèmber 1.94 miar. Na
òktober i novèmber el a
baha na 1.89 miar.
Importante ta si ku nos
reservanan, esta di Kòrsou
i St. Maarten, ta keda riba
e nivel di 2 miar. Luna di
desèmber 2017 a sera na
2.383 miar, aunke den
e promé dos simannan
di yanüari por a nota un
bahada. Banko Sentral
den su análisis ta duna
e sifranan di reserva dje
último sinku añanan, i aki
Sigui lesa pagina 44 aviso@extra.cw