Page 30 - MIN JUS_Neat

A likida homber den parkinglot pafo di Molen diadomingo
marduga

Sunday, 21 May 2017 06:47
Comparti

Diadomingo marduga pasa di 4or a drenta informacion cu tin un tiramento na Molen. Polisnan a bay cu urgencia. Na
yegada a topa cu un curpa benta abou. E persona tabata un hende homber. E tabata mustra morto caba e momento
ey. Polisnan a pidi mesora pa ambulance cu urgencia y na yegada no por a haci masha pa e homber aki.

Presencia di dokter tabata necesario. Dokter Texier a constata morto pa 5:30 di marduga. Autoridad a sera e area pa
cuminsa un investigacion. A scucha algun testigo na e sitio. Ta wordo menciona cu e problema lo a cuminsa otro
caminda pero a termina fatalmente pafo di Molen. Parti pafo a aglomera basta hende cu tabata sea yegando Molen of
bandonando e sitio. Otronan a keda para den e area ta haci cos di kaweta tambe. Polis a busca pa sa mesora riba
esnan cu por a comete e acto. A cuminsa busca rond riba caya pa un auto cu lo a bandona e sitio pero tampoco a topa
cu esaki. No ta descarta detencion cualkier momento di esun cu a los e tironan mortal riba e victima. E team di
recherche a wordo avisa y nan a presenta na e lugar unda e tiramento a sosode. Nan a cuminsa tambe cu e parti
investigativo cu e departamento di BFTO cu ta haci e parti tecnico. Riba ordo di fiscal a tuma e curpa den beslag
como parti di e proceso di investigacion.