Page 26 - HOH

E Inspectora di Remedi, drs. Roselynn Angela (Boticario) ta urgi esnan cu ta uzando e
remedi Losartankalium pa controla e chargenummer riba nan paki di remedi. E
chargenummer ta indica e batch di e remedi. Si e chargenummer ta cuadra cu e
chargenummer cu tin riba e lista, mester hiba e remedi aki bek na bo botica y eynan lo
ricibi mas informacion di bo boticario. E Inspectora di Remedi ta compronde cu hopi
pashent lo tin pregunta y/of preocupacion, pero kier pidi tur pashent pa no stop di bebe
nan remedi. Semper consulta cu bo botica. Inspectie Volksgezondheid Aruba lo informa
pueblo di cualkier cambio na su debido momento.

E carta di e compania farmaceutico y e lista completo di e batchnan cu a wordo saca for
di mercado por haya riba e website di IVA: www.iva.aw