Page 31 - HOH

Sr. Erasmus a referi na e “Team Relay Breathing” indicando cu nan ta den preparacion
di esaki, riba diasabra 23 awor, mainta di 10.30 pa 11.30. El a haci un yamada na tur
capitan di tur e teamnan pa nan ta presente na Divi Phoenix. Importante ta pa nan por
busca nan pakete akinan tambe.

Pa esnan individual nan pakete lo wordo entrega na Alhambra, den e Shopnan. Nan por
pasa di 9 or di mainta te 6 or di atardi. Un yamada tambe pa tur e coredornan
individual pa pasa busca nan pakete na Alhambra den e horario indica.

Sr. Erasmus a agrega cu nan ta enfatiza hopi riba e transport pa Joe Laveist Sport Park,
y na ta cuminza sali pa 4-4.30 or di atardi, pues e peticion ta pa e participantenan ta
tempran pa haya lugar den e bus.

Riba e ruta lo tin baño y facilidadnan pa e coredornan, na cuminzamento na Phoenix y
tambe den tur e relay postnan.

E prome Post lo ta na Citgo Savaneta, e di dos na Seroe Teishi, y e di tres na Juliana
Scol na e parada di bus.

Finalmente sr. Erasmus a gradici tur e partnernan cu ta yudando pa e carera aki bira un

exito grandi, como tambe e cuerponan di seguridad cu ta KPA, Ambulance, Cruz Cora,
DOW, e motociclistanan di HD, y e boluntarionan. El a conclui expresando cu sin nan
colaboracion e evento aki lo no por a wordo organiza.

https://www.diario.aw/2019/03/willy-erasmus-a-informa-na-e-gruponan-di-

team-relay-breathing/