Page 19 - MIN VOS

Aruba Bank Lady Tigers ta derota Tanki Leendert Girls pa
mantene nan mes solido na segundo puesto

Sunday, 04 December 2016 11:51
Comparti

Torneo HEINEKEN fast pitch femenino a continua riba veld di Dragon Hitters. E fuerte equipo di Aruba Bank a
mustra solido riba tereno tras di tremendo pitcheo di Mandy Angela kende a wordo releva pa Rudlyn Ras y asina
sigura un victoria.

Mester acentua cu Tanki Leendert Girls a pone precion desde promer inning anotando 2 careda den promer inning
pero no por a remolka mas. Aruba Bank Lady Tigers 7 careda, 8 hit, 2 error. Tanki Leendert Girls 2 careda, 3 hit, 2
error. Rubia Ras kende ta wordo releva pa Elianne Kock a resulta pitcher perdedor. Mihor bateadornan pa Aruba
Bank ta Riangela Flanegin 3-3, Yonina Sint Jago, Ilajay Tromp, Nikkaela Jacobs tur di 2-1, Rudlyn Ras y Carienne
Brete di 3-1. Pa Tanki Leendert Girls a destaca na plato den causa perdi Mildred Kock 3-2, Emileen Kock 1-1. Cu e
victoria aki Aruba Bank a posiciona su mes solido na segundo lugar cu 3 victoria y 1 derota. Tanki Leendert Girls tin
1 victoria y 3 derota. Softball fast pitch den pleno desaroyo.