Page 22 - MIN VOS

Charla 'Awa y su beneficionan pa nos

salud'

Posted on 12/4/2016 4:54 pm AST | Updated on 12/4/2016 4:55 pm AST

ORANJESTAD - E siman aki, na ATIA ta bay tin un charla tocante e
beneficionan di awa y e factornan importante cu esaki tin pa nos
salud. Esaki lo tuma lugar diahuebs, 8 december pa 6:45pm.

E charla lo ser presenta pa Leonard de Windt y Ingrid Kersten cu ta
practica medicina natural hunto cu acupuncturista Margreet
Broerstra. Durante e anochi aki lo bin informacion nan balioso
dilanti con pa logra pa por tin un awa di miho calidad y cual ta tur e
benificionan cu esaki ta trese cune pa nos salud.

Den un estudio haci ta resulta cu 56% di hende ta preocupa cu e calidad
di awa cu nan ta bebe y esaki ta haci cu awendia bebemento di awa na
boter a bira asina popular. Sin embargo esaki por tin su
consecuencianan, pa motibo cu no tin garantia di calidad y no sa precies

di unda e awa aki ta bin. Tambe for di otro estudionan haci ta resulta cu
di 48 diferente marcanan di awa di boter riba Mercado, solamente 16 di
nan ta bon pa consumo. Tin menos cu 1% di awanan na mundo cu por
consumi sin preocupa cu polucion. Durante e anochi lo elabora mas riba
tur e aspectonan aki di awa.