Page 29 - MIN VOS
P. 29
El a comete tur e delitonan aki den e periodo di 16 di april te cu
11 di november 2016, pa cual siman pasa dia 28 di november a
dicidi di detene y Fiscal Auxiliar a opta pa encarcel'e pendiente
e investigacion grandi andando awor aki. Un grupo di recherche
di Cuerpo Policial ta conduciendo e investigacion aki, hunto cu
nan coleganan di e departamento Forensico, bou supervision di
Fiscal na Ministerio Publico.
RESULTADO DI INVESTIGACION
E investigacion preliminar ta mustrando claramente cu a
falsifica documentonan, permisonan y hasta cartanan for di
varios instancia y departamentonan di Gobierno, manera DOL,
DIMAS, Censo Burgerlijke Stand, Uitreksel di Censo, sentencia
di Corte, acta Notarial, Sentencia di Raad van State di Hulanda,
documentonan di ‘Inmigratie en naturalisatie dienst’ di
Ministerie van Veiligheid en Justitie di Hulanda, permiso
supuestamente “firma” dor di Minister Benny Sevinger, carta di
AZV, carta di Direktie Financien y SIAD (Impuesto).
Comosifuera poco, a falsifica cartanan di Priceswaterhouse and
Coopers, di Centrale Bank y di Griffier di Corte. A base di
estafa y falsificacion di un sin fin di documentonan y
permisonan, tin hende a hasta haya paspoort Hulandes!
FORMULA
E formula tabata bon hinca den otro, esta cu bo ta yega cerca e
homber aki pa e regla bo permiso di estadia of trabou pa Bo, pa
cual e ta cobra entre Afl. 1500,= te cu Afl. 3000,=. Na su turno e
ta falsifica tur cos, haciendo comosifuera cu el a efectua tur e
tramitenan stipula. E cliente ta ricibi documentonan cu stempel
y firma riba dje, siendo cu tur ta falsifica.
GOBIERNO
