Page 30 - MIN VOS

Den gobierno a descubri cu departamentonan no conoce e
forma di traha di otro, pues un departamento no ta ripara

facilmente cu e numbernan di e carta di e otro departamento ta
falso, of e “kenmerken” no ta cuadra. Asina recherchenan a bin
topa por ehempel cu un carta falsifica di Censo bisando cu tin

problema cu e sistema y ta pidi DIMAS pa sigui cu e proceso en
espera di Censo. Tambe e sospechoso a traha ‘vergunning’

falso tambe, te cu awor a topa cu no menos di 40 ‘provisionele
vergunningen’, cu un compania a pag’e 21 mil florin!

HOPI PROFESIONAL

Ta parce cu e sospechoso aki ta asina “profesional” den su

trabou, cu e tabata cobra stranheronan Afl. 4500,= pa e por
procesa y logra haya paspoort Hulandes pa nan. E ta haci esaki
dor di “by-pass” Gobernador completo, uzando un articulo den

“rijkswet” di Reino Hulandes. Den esaki e ta falsifica carta di
Hulanda pa regla naturalisacion pa e stranheronan.

KEHO ENTREGA

Tanto Minister di Infrastructura, Benny Sevinger como

Gobernador di Aruba, a entrega un keho penal contra e
ciudadano aki. Ta investigando cartanan, documentonan y su

forma di anda for di aña 2014 caba.

INVESTIGACION NA ARUBA Y HULANDA

Ta obvio cu aunke con bon por falsifica documentonan y un
formula cu ta mustra casi perfecto, asina mes na caminda algo
ta bay robes y awor e sospechoso ta tras di tralie, pendiente e

investigacion tumando luga na Aruba mes pero tambe na
Hulanda. No por keda sin menciona cu e homber aki tabata

encarcela caba den pasado pa e mesun tipo di delitonan asina,
esta estafa.