Page 12 - KPA

Brommer di drag horta, haya na un cas na San

Fuego

17 hours ago 0 808 Views
San Fuego, Santa Cruz, – Diaranson den careda di 2 or y mey di merdia, presencia di polis ta
wordo rekeri na un adres na San Fuego, pa motibo cu un brommer cu recientemente a ser horta, a
wordo localisa na e adres aki.
E brommer Hayabusa aki a wordo horta dia 25 di maart ultimo, den oranan di marduga, for di un
adres na Brazil. Mesora keho a keda entrega y famia y amigonan di e doño a cuminsa cu un
buskeda pa e brommer aki.
Despues di algun dia buskando y constantemente tabata post e riba facebook, a drenta algun tips
cu ta indica cu e brommer horta aki lo ta scondi na un adres na San Fuego.
E famia a bay na e adres aki y enberdad a topa cu nan brommer horta, mesora a pidi pa presencia
di polis, a haya e Hayabusa aki bek.
Riba Facebook por a mira con hopi agradecido e doño a keda, ela gradici un y tur cu den un
forma of otro a yud’e recobra su brommer. E brommer aki ta wordo usa den careda di Dragrace.