Page 15 - KPA

CORTE TA TRATA E CASO DI DOS

SOSPECHOSO CU A ATRACA UN DAMA NA

PRIMAVERA

April 6, 2017 adminarubanative Uncategorized Leave a comment

Oranjestad, – Diahuebs mainta lo mester presenta dilanti corte e dos
sospechosonan G.R. y G.T., ambos ta wordo acusa di ladronicia cu violencia,
conhuntamente cu un otro o otronan, di un suma di placa di un persona riba 16
di januari 2017. E violencia a encera cu a saca un arma di candela riba e persona
y a bise: “Dame tu bolso”.

Esaki a sosode na Primavera na momento cu e victima tabata canando bay su
cas, e a wordo atraca un poco pazuid di e crusada di Morgenster pa bay
Primavera. Un Toyota Tercel blanco, cu dos persona aden a pasa y e auto a
para banda di dje. Un homber ta baha cu un arma di candela color nickel den su
man y ta exigi e señora pa dun’e su tas, bisando e señora ” dame tu bolso “. E
señora a spanta hopi y a bisanan cu e placa cu tin den su cartera nan por bay
cune, pero no su tas paso eyden e tin papelnan di trabou. E atracador a tuma e
cent y a baha na awa, nan ta core bay direccion zuid.

Un rato despues cu un patruya di polis a caba di atende cu e victima di atraco na
Primavera, na altura di Airport nan a topa cu un Tercel Blanco cu ta cuadra cu e
descripcion. E polis mesora a duna e chauffeur un stop teken, pero e chauffeur
di e Tercel ta nenga di para y a sigiu bay. Mesora nan a sigui’e y na altura di ex
crusada di Mahuma nan no por sigui core mas pa polis, nan a baha for di auto, y
ta sigui na pia. Polis a logra gara un di e dos sospechosonan, e otro a core
drenta mondi.

Polis a buska den full e auto pero no a haya nada particular, niun arma. E auto a
keda confisca pa polis y esun cu a keda deteni como sospechoso di e atraco
arma, a wordo transporta pa warda di polis di Oranjestad.

G.R. ta wordo acusa di posesion di un arma di candela den periodo di prome di
januari 2017 te 16 di januari 2017.