Page 20 - KPA

Dama ta pèrde kontròl i kai den rooi

E dama mes a sali ileso for di e aksidente:

Djamars anochi polis a presenta cu urgencia riba e caminda di Zeewijk unda a keda informa cu un
auto a bolter den rooi. Na yegada di patruya a topa cu un lancer hinca den e awa, segun e dama e
tabata reverse saliendo for di cura di cas trot a pega pone cu el a sigui bin atras cay den e rooi. E
dama mes a sali ileso, polis a tuma datos y roadservice a sigui cu e caso.

Atracadornan a bay cu alrededor di mil

dollar for di un señora

Polis lo investiga e caso aki pa busca e sospechosonan:

Diaranson den careda di 6:30 atardi un persona ta raporta na central di polis cu na Western Union
na Paradera lo tin un atraco a tuma luga. Di biaha ta despacha unidad di Sant a Cruz pa e sitio y
informa recherche di e caso aki. Vocero di Polis tambe tabata presente y a logra saca afo cu segun
e señora un homber y un hende muhe ariba scooter papiando spaño a para banda di e señora y
exigiendo e placa cu e tabatin riba dje. Menasando e cu un arma, y nan a logra di bay cu alrededor
di 1000 dollar. Despues di e atraco e malechornan a bandona e sitio direccion Paradera.