Page 49 - WEB

Ta pa motibo di cambio di e balornan di nos pais, na cierto momento a wordo dicidi pa
departamentonan importante bira compania priva pero cu gobierno como
doño. Companianan di gobierno a nace como e solucion pa e pais.

Loke tabata trabou di gobierno asina a bira trabou di compania cu segun descripcion di
compania ta negoshi priva pero den caso di compania di estado, nan ta negoshi cu
mester percura pa gobierno haci su trabou.

Den transcurso di tempo e comunidad a siña biba cu e fenomeno nobo, cu nomber
nobo, sistema nobo pero a mantene e naturalesa cu e mester haci trabou cu e
departamento di gobierno tabata haci pero sin produci perdida pa gobierno.

Cu un dia situacion por a pega, ta algo cu a wordo lubida.

Basora di sabana a disparce. Hende a cuminsa tira boter y kleenex for di bentana di
auto. Mas sushi, mas bunita a bira comehein contra e pensamento Arubano y gobierno

mester a actua.

Si gobierno tabata ocupa su mes cu e pregunta con pone un maneho pa debolbe
limpiesa como norma importante di Arubianismo na un Aruba cambia, e posibilidad pa

atende sushi como negoshi a haya caminda pa cana.

Un luna prome cu Siglo 20 termina, dia 20 di November 1999, Ecology Technology a
cuminsa cu su trabounan na Aruba. Aruba a conoce e union di tres compania cu tabata

atende cu limpiesa, como EcoTech, cu empresa priva.

Normalmente nada lo a pasa y EcoTech lo a bira un empresa mas na Aruba. Pero
EcoTech a nace despues cu a introduci companianan di gobierno.

Pues EcoTech no solamente mester a competi contra otro negoshi cu ta atende cu sushi
pero e mester a bringa cu Serlimar cu ta e negoshi di gobierno cu a mira luz na 1988.

Un problema a nace cu introduccion di pa rementa un dia. Compania di Gobierno
mester competi contra compania priva. E compania priva mester traha placa pa e no
bati bankroet. Ademas e compania priva ta depende di decisionnan di personanan cu tin
placa aden.