Page 50 - WEB

Siman ta habri Aruba cu un problema serio pero cu mas na caminda. Tareanan cu antes
tabata di gobierno so den departamento di gobierno, awor ta negoshi priva tambe. Pero
e maneho total di limpiesa, medio ambiente y tur loke mester pasa pa hende tin sikiera
un basora awendia den nan cas, ta keda maneho di gobierno.

E siman aki Aruba ta bay conoce un conflicto serio. E conflicto aki a nace for di e
pensamento cu na un pais di empresa liber por a introduci companianan di gobierno.
Pues awe loke ta bay rementa den Parlamento realmente ta, con compania di estado

por competi cu compania priva den un situacion cu a surgi a base di matrimonio na
1985 entre e pensamento di mercado habri y e pensamento socialista cu ta tras di e
modernismo di compania di estado.

Si EcoTech perde, pan di e trahadonan ta na peliger. Si den e situacion actual Serlimar
wordo perhudica, Aruba mester mira con e ta pone placa riba mesa si Serlimar perde
placa.

Sushi ta bira e prome bom cu ta rementa den conflicto entre e concepto empresa di
gobierno y empresa priva.

Na Setar por mira cu competencia a surgi. E lo afecta Setar. Asina nos por sigui cu

mas.

Un siman hopi pisa ta spera Aruba pasobra e cero di sushi, dump y hopi mas ta na
wega. E basora di sabana a pasa pa pasado. Awor con ta kima sushi pa evita cu sushi

ta kima nos sistema?

https://www.diario.aw/2019/09/sushi-a-bira-confrontacion-entre-compania-di-estado-y-compania-
priva/