Page 3 - KUSTWACHT
P. 3
Afpakteam Aruba ta tuma suma grandi
di dollars den beslag
Posted on 03/22/2017 5:08 pm AST | Updated on 03/22/2017 9:33 pm AST
ORANJESTAD - Afpakteam di Aruba, cu a cuminsa traha riba prome di maart ultimo, a
tuma un suma grandi na dollars den beslag riba diahuebs 16 di maart ultimo.
Tur cos a sosode ora cu Kustwacht a controla un barquito for di Colombia. E capitan a
resulta di tabatin un suma grandi na dollars cerca dje. Bou guia di Ministerio Publico y
den cooperacion estrecho cu KPA y Aduana, e capitan a wordo deteni riba sospecho di
labamento di placa. E dollars a wordo tuma den beslag. E investigacion ta continua.
E afpakteam ta un cooperacion entre Ministerio Publico, Cuerpo Policial di Aruba,
Aduana di Aruba, Fiot (Team Fiscal di Investigacion y Persecucion) di Departamento di
Impuesto, FIOD (Departamento Fiscal di Investigacion y Persecucion), Marechaussee
(KMAR), Kustwacht Aruba, MOT y RST. Meta ta combati criminalidad financiero-
economico. NOTA.e foto ta uno di file, y no di e captura recien.
