Page 16 - AWEMAINTA
P. 16
16 AWEMainta Diabierna, 3 Augustus 2018
Mas promocion den organisacion policial
Agente Policial y personal administrativo ta ricibi nan promocion
NA Centro di Husticia na Santa Cruz a tuma lugar un
ceremonia special pa haci entrega di promocion.
Den presencia di famia y coleganan a haci entrega di
promocion. Sr. Andrew Hoo, Korpschef di Cuerpo Policial
Aruba a hiba palabra di gradicimento p’e coleganan cu a
ricibi nan promocion. N’e famianan el a yama danki p’e
cooperacion, sosten y pasenshi duna na cada un di personanan
cu a ricibi nan promocion.
Un total di 7 persona a ricibi nan promocion parti den
personal administrativo y agentenan policial.
E personanan cu a ricibi nan promocion ta lo siguiente: Sr.
Marcus Kaauw for di Brigadier pa Brigadier 1ste klasse. Sr.
Omar de Kort for di Brigadier 1ste klasse pa Hoofdagent. Sr.
Jose Henriquez for di Brigadier 1ste klasse pa Hoofdagent.
Sra. Liliana Rasmijn for di Hoofdagent pa Hoofdagent
1ste klasse. Sr. Marlon Raphaela for di Hoofdagent 1ste
klasse pa Onderinspecteur. Sr. Albert Lioe-A-Tjam for di
Onderinspecteur pa Onderinspecteur 1ste klasse. Sra.
Rosemin Croes for di Commies 1ste klasse pa Hoofdcommies.
Korpschef Hoo a haci cambio di nan rango den presencia di
famia y coleganan. Awor nan lo carga responsabilidad mas
grandi, pero no tin nuin duda cu nan experencia y experticio
lo resalta den nan trabou.
