Page 23 - AVP

Parlamentario Marlon Sneek – Aparentemente

Minister A Duna Proyecto Na Compinchi

 Politica
- 09/06/2019

Amigo- y sponsornan di partido ta bin na prome lugar y pa Minister di Infrastructura,
kende ta pretende di ta transparente, e ta haciendo cosnan totalmente for di sla y ta trata
di manipula hasta Parlamento den e proceso aki.

Usando un miembro di su fraccion den Parlamento, Minister ta trata di evita cu
Parlamento por analisa y studia su decisionnan cu el a tuma caminda e ta duna 6 minuut
na miembronan di Parlamento, pa studia un total di 61 documento.

Tur esaki p’asina privilegia brochi y sponsor di su partido, esta doño di partido y ta trata
di hunga su weganan, tratado na manipula henter e proceso p’asina e por ‘get away’ cu
cosnan cu no a cana bon.

“Pa motibo cu locual nos ta scuchando den comunidad, ya cu e Minister aki no ta
transparente, e no ta trece documentonan di e proyecto di dump na Barcadera pa nos wak
y nos ta scuchando eyfo cu e Minister a duna ‘opdracht’ pa cambia resultado di un
destaho publico.

Ya cu tabatin un destaho publico, departamento di DOW a haci esaki y a manda bisa cu e
compania A a gana e destaho y segun nos a compronde cu Minister Otmar Oduber ta
traha un carta riba e decision cu DOW a manda p’e, informando cu no ta bay cu
compania A, pero lo bay cu compania B, pasobra den e oferta di e compania aki, no tin
un incernirator hinca.