Page 24 - AVP

Ora cu wak e documentonan, ta poni cu e compania tin un incernirator hinca den su
oferta, pero simplemente e otro compania, ta un compania cu ta amigo di e Minister anto
nos kier pa Minister Otmar Oduber ta transparente di berdad.

No transparente di boca pafo, paso nos a scucha cu AVP no tabata transparente, pero
awor nos kier e Minister ta transparente y manda nos e documentonan cu nos a manda
pidi den nos carta.

E 61 documentonan aki cu Minister Otmar Oduber a bin pone riba un mesa pa
Parlamento lesa den 5 minuut, manda nan pa nos pasa den nan manera mester ta.

Informacionnan cu nos ta hayando ta cu deliberadamente Minister Otmar Oduber a scoge
un otro compania cu NO a gana e bidding na prome instante y banda di esaki tin un
compania cu tin un contract pa haci e trabou aki caba.

Pues ora cu Minister Otmar Oduber a bay over na kibra e contract aki y e compania aki
bay Corte loke ya caba nan ta den Corte contra di e Minister y mirando con e caso ta
hinca den otro, por anticipa cu Minister ta bay perde e caso aki.
Anto ta bon pa bisa e Minister p’e cuminsa prepara pa su persona bay paga e suma di 1.3
miyon florin ey di dos aña di contract ya cu deliberadamente el a bay cera un contract
c’un compania pa un servicio cu Gobierno tin un acuerdo riba dje caba.

Mesun cos e Minister aki a haci cu DTI pa por a pone su amigo, apesar cu despues el a
bisa cu ta un meneer Hulandes, pero a bin resulta cu ta su ‘brochi’ e ta, cu kende e ta cana
man den man y ta doño di partido, p’e edificio na Pos Chikito wordo gehuur, pero aki
Huez a bisa Minister Otmar Oduber ‘absoluttamente cu no.’

E proceso cu DTI a cana y e proceso cu e Minister di e tempo ey a cana, tabata un
proceso corecto anto Minister Otmar Oduber mester respeta e contract ey y ora cu el a
mira cu no tin caminda pa core, Otmar Oduber a inventa un dump na Pos Chikito
caminda e por a hinca Serlimar eyden pa su amigo haya e contract di huur tog caminda e
por cobra su 41 mil florin pa luna.
Tin cu bisa cu Minister a haci’e nechi, Serlimar ta paga un pida, Buro City Inspector ta
paga un pida pa pueblo no mira e cifra total, pa pueblo no mira e 41 mil florin pa luna cu
e sponsor aki tin cu haya pa partido por sigui existi,” lider di fraccion di AVP, Marlon
Sneek a declara.