Page 42 - AVP

ORANJESTAD (AAN) – Den conferencia di prensa yama pa Minister Otmar Oduber,
titular di Infrastructura, Maneho di Medio Ambiente y Desaroyo Teritorial, a señala cu
gobierno a constata cu, lamentablemente, tin hende ta haci uso di un buraco cu tin den
ley, pa bende terenonan di pueblo, na un forma legal pero cu ta inmoral, y notarionan a

traha Acta pa esaki.

El mandatario a menciona cu DIP a reuni varios biaha cu Notarionan y a pidi nan pa no
haci uso di e buraconan cu tin den ley, door di cera e tipo di acuerdonan aki, unda ta

hipoteca terenonan cu no ta di hende, den sentido cu e persona no ta traha riba e
tereno y ora gobierno ripara esaki y kier hala atras e otorgamento, tin un hipoteca
mara na e tereno aki.

Mescos cu ora tin beslag. Ora un hende haya un erfpacht ta un tereno cu e persona ta
haya pa e por biba riba dje of inverti den dje, pero e ta use pa un back up personal pa
haci un prestamo, y mañan por tin un beslag riba dje, y e ta keda un problema di
gobierno.

Pesey gobierno, den e maneho nobo, a bin cu medidanan adicional pa evita cu actonan
asina tuma lugar den futuro, pero unda instancianan cu no ta oficial-financiero, cu
enberdad ta duna hipoteca, ta wordo permiti pa cera of para e buraco den ley cerca

notario unda no por haci uso mas di dje, pasobra e persona mester di un acuerdo
previo di gobierno, na momento cu e kier pone un hipoteca riba un tereno sin cu esaki
ta un instancia oficial financiero di nos pais.

Biniendo bek riba e survey di Banco Central, e dignatario a expresa cu e ta kere
plenamente den dje y cu ta wordo reconoci cu cambionan a tuma lugar, desde luna di
Mey aña pasa.

E ta sinti hopi satisfecho cu e contestanan duna na e pregunta si e persona entrevista
ta kere cu durante e 12 lunanan desde aña pasa, kiermen e maneho di Gabinete Wever
Croes, e soborno a aumenta, y e resultado ta mustra cu durante e periodo menciona
Aruba ta ultimo riba lista cu un porcentahe di apenas 3%.

Loke si nan a bisa ta cu nan conoce 1 den cada cuater hende cu, den pasado, si nan
mester a paga pa haya un permiso di trabao y na DIMAS, pa locual tin un minister cu a
wordo condena, recientemente.