Page 45 - AVP

ORANJESTAD (AAN) – Minister di Infrastructura, Maneho di Medio Ambiente y Desaroyo
Teritorial, a yama un conferencia di prensa, den cual el a elabora riba e rapport di
Banco Central, tocante corupcion, basa riba un survey cu a Institucion aki a realiza.

E encuesta a tuma lugar rond di October. 2018 y a wordo publica diamars ultimo 27 di
Augustus, den cual a puntra e comunidad di Aruba durante e 12 lunanan prome kico
nan ta pensa tocante corupcion na Aruba, en general.

E mandatario a haya importante pa elabora riba e rapport aki, pasobra precisamente
ora su ministerio a asumi responsabilidad na aña 2017, tempo cu practicamente e
estudio aki a cuminza.

Minister Otmar Oduber a señala cu e rapport ta refleha e tramitenan cu e gobierno cu a
drenta mester a para e tempo ey, y a menciona specificamente DIP.

Esaki pasobra den e rapport ta marca como halto tres caso di corupcion cu ta wordo

percibi den e comunidad.

 Na prome lugar ta e otorgamento di permisonan di trabao, cu tur hende sa na
unda a termina cu awo tin un minister cu e tempo ey a wordo condena, y cu

ta mustra cu e refleho aki den comunidad ta corecto.
 Otorgamento di permisonan di DIMAS, pa permanencia.
 Otorgamento di tereno na Aruba.
Minister Otmar Oduber a señala cu gobierno ta para keto riba esaki, pasobra e ta

comproba loke nan a bin ta bisando y pa cual a bin cu e maneho cu tin na e
momentonan aki, unda na November’17 e mes a para tur transaccion cu tabata
tumando lugar y tur Actanan cu tabata na Notario y hunto cu e management team cu e
tempo ey a wordo nombra na Departamento di Infrastructura y Planificacion (DIP), cual

tabata consisti di tres miembro di e directie di DOW y cu a percura pa un rapport wordo
traha y a mustra riba e hecho cu e decision e tempo ey, tabata completamente robes.

Na Mei aña pasa a cuminza ehecuta un maneho nobo, transparente y cu a wordo

publica pa tur hende sa cual ta e caminda cu mester cana pa yega na un tereno sea pa
vivienda of comercial.

E tempo ey a percura no solamente pa tin un maneho cu ta transparente pa tur hende.