Page 2 - AWEMAINTA
P. 2
2 AWEMainta Diabierna, 28 December 2018
PMA a bay resorta oficialmente bou FPNA
Parke Marino Aruba ta keda oficialmente institui dia 1 di januari
DURANTE rueda di prensa di Gobierno, Minister Otmar
Oduber encarga cu Desaroyo Teritorial, Infrastructura y
Medio Ambiente a anuncia cu entrante prome di januari
2019, Parke Marino Aruba oficialmente ta keda introduci.
Durante di e ultimo lunanan a hiba combersacion cu dife-
rente instancia y grupo di piscado den diferente bario, a
base di e combersacionnan aki a añadi un di 4 area pro-
tegi desde prome di januari den e parke marino.
E di 4 area t’esun for di Lagoen, cas di Gobernador te na
Punta Brabo, cu excepcion di e areanan cu tin actividad di
crucero tumando lugar. Minister a splica cu a tuma e deci-
sion aki a base di e casi 90% di peticionnan cu a drenta di
piscadornan cu ta sinti cu den e area aki merece protec-
cion considerando e cantidad di reda tira y otro actividad-
nan, cu ta perhudica e cantidad di piscanan.
Importante pa menciona ta cu, den e plan di maneho cu
lo keda cla den e prome kwartaal di otro aña lo indica
locual cu mag den cada area protegi.
E aspecto di maneho lo ta den man di Fundacion Parke
Nacional Arikok (FPNA) cu lo ta encarga cu esaki. N’e
momentonan aki ta finalisando e plan di maneho cu ta a
base di input ricibi di e gran cantidad di piscadornan cu
cual a reuni y scucha nan preocupacion y sugerencianan.
For di cada rancho e piscadornan a apunta un represent-
ante cu a yuda cu registracion di e sugerencianan aki pa
por a inventarisa esakinan.
Otro stakeholders tambe a yuda den e proceso pa yega na
un plan di maneho, manera esnan di Turtugaruba y Aruba
Birdlife Conservation.
E plan di maneho mester ta cla prome cu 1 di maart 2019,
pa e wordo aproba y pa cera e contract di maneho cu
FPNA.
Finalmente Minister Otmar Oduber a enfatisa cu ta im-
portante pa comunidad ta bon informa di e proceso habri
y transparente encamina pa loke ta proteccion di nos bida
marino. Por subi e pagina di Facebook di Parke Marino
Aruba unda cu regularmente ta publica informacion di e
procesonan andando y e importancia.
