Page 6 - AWEMAINTA
P. 6
6 AWEMainta Diabierna, 28 December 2018
Lisimbei a laga un SUV total loss
DIAHUEBS, pasa di 2’or, a sosode un accidente basta serio, caminda
cu un chauffeur femenino riba e caminda entre crusada di Palm Beach
cu ex House of Cheng, bayendo Playa, dado momento ora cu e tabata
riba caminda, un lisimbein a aparece riba dje den auto.
El a spanta y cuminsa mira pa kita e bestia pa e no wordo pica. Den
e proceso di purba di kita e bestia for di su curpa, el a perde control,
baha camina na man robes, dal den tur e barancanan cu tin riba e ex
crusada, unda antes tabata e crusada di House of Cheng cu a wordo
cera, pa motibo di accidentenan fatal cu a yega di sosode den pasado.
Ora cu el a dal den baranca, e auto a bolter masha mahos. E auto a
haya sla tur caminda di e body.
E señora aki probablemente tabata tin su seatbelt bisti, cu a haci cu
den e proceso di bolter, e señora no a wordo saca di e auto.
El a logra sali for di e auto. Algun hende a para y yud’e, lag’e sinta un
rato y alabes bati alarma, pendiente yegada di polis y ambulance. Tur
cos a kibra bao di e auto, rond di e auto y awe e señora aki mester ta
contento cu e ta na bida.
Den pasado, pa menos sla riba auto, hende a fayece y e señora aki,
manera cu e auto a bolter cay bek riba wiel, ta manera un milager a
sosode cun’e. Su casa tambe tabata t’ey. El a calm’e. Paramediconan
di ambulance a atende cun’e y a transport’e pa hospital pa un checkeo
medico mas avansa.
Bomberonan a wordo yama pa asina bin laba e caminda despues di e
impacto. Hasta e motor, tur cos a kibra di e auto y azeta entre otro a
basha riba caminda. Polis di trafico y strandpolitie y Noord, a atende e
accidente y tene e caminda cera pa basta rato, te ora cu tur cos a nor-
malisa y takelwagen a hala e auto for di caminda.
