Page 47 - WEB
P. 47
Durante e reunion tambe a evalua e situacion di tereno Freezone, na unda EcoGas ta
ubica y segun articulo number 4 di e ley di Freezone, EcoGas no mester di un
hindervergunning. EcoGas tin un “stortvergunning” firma p’e propio Minister Otmar
Oduber, anto dicon e mandatario a laga su hendenan actua di forma di intimidacion
asina?
COMUNICACION TA PARTI DI E SOLUCION
EcoGas ta sinti cu e resultado di e reunion aki tabata fructifero y ta spera cu esaki a
clarifica e mal comprendemento encuanto deposito y composicion di e productonan cu ta
riba tereno di EcoGas.
“Nos ta sigur cu nos tur tin e mesun meta pa un maneho di desperdicio sostenibel na
bienestar di medio ambiente di Aruba y aki ta unda comunicacion ta esencial cu tur
stakeholders. EcoGas sigur ta dispuesto pa coopera y ta forma parti dje solucion”, asina
ir. Alfredo Ruiz a finalisa bisando.
