Page 49 - WEB
P. 49
Directie Natuur en Milieu (DNM) y Bureau City Inspector (BCI) a reuni Diamars ultimo
cu Ir. Alfredo Ruiz di Ecogas na e instalacionnan di EcoGas. Durante e reunion aki a
clarifica varios punto di atencion cu a wordo mal interpreta recientemente, manera tabata
e asunto di “stortvergunning”.
E reunion a bay den masha bon ambiente y e departamentonan di Gobierno a compronde
na final cu no por papia di un dump ilegal, e producto no ta desperdicio sino material
deriva di reciclahe, e tereno ta di zona franca y riba dje, EcoGas ta den posicion di un
“stortvergunning” firma pa Minister Otmar Oduber mes.
PRODUCTONAN DERIVA DI PROCESO DI DESPERDICIO
Ir. Alfredo Ruiz a indica cu tur e materialnan deposita riba tereno di EcoGas ta
productonan cu ta resultado di procesamento di desperdicio y cu tin un proposito pa
recicla y exporta y no ta representa ningun menasa ambiental.
PERMISO DI DEPOSITO
Durante e reunion tambe a evalua e situacion di tereno Freezone, na unda EcoGas ta
ubica y segun articulo number 4 di e ley di Freezone, EcoGas no mester di un
hindervergunning.
Download [21.66 KB]
