Page 18 - MIN ARENDS

Expertonan riba 'intercambio di conocemento' cu experencia
na Banco Mundial orador na 'Aruba Sustainable Action

Forum'

Sunday, 19 February 2017 17:10
Comparti

Expertonan riba intercambio di conocemento, cu experiencia riba e topico aki na Banco Mundial, ta
oradornan invita na 'Aruba Sustainable Action Forum'. E evento aki ta tuma luga diamars awo 21 di
februari y e oradornan ta bay detaya e importancia di intercambio di informacion entre organisacionnan.

E foro su obhetivo ta pa informa y alinia perspectivanan riba e proceso di implementacion di 'Metanan
pa Desaroyo Sostenibel' (SDG's) di Nacionnan Uni na Aruba y tambe pa stimula partnership entre
diferente sectornan.

Pa un implementacion exitoso di e SDG's na Aruba ta importante pa e diferente sectornan traha hunto y
intercambia conocemento y practicanan. Pa e motibo aki e Comision Nacional di Gobierno di Aruba,
encarga cu e implementacion di e metanan mundial, ta pone atencion extra na e 'Aruba Sustainable
Action Forum' riba intercambio di conocemento entre e diferente sectornan.

Sra. Barbara Bitondo y sra. Neesham Spitzberg ta e dos expertonan cu lo ta presente na e foro pa asina
aki comparti nan conocemento y decada di experiencia cu nan tin cu Banco Mundial riba e topico aki.
Sra. Bitondo ta un experto riba intercambio di conocemento, specialmente den participacion colectivo y
entre diferente organisacionnan. Sra. Spitzberg ta un experto riba maneho di conocemento den
organisacionnan y entre organisacionnan.

Aruba Sustainable Action Forum ta tuma luga diamars 21 di februari di 8.30 am pa 12.00 pm na Crystal
Theater. E foro ta gratis pa tur interesado den e proceso di implementacion di 'Metanan pa Desaroyo
Sostenibel' aki na Aruba. Pa participa por registra via email na sdgaruba@kabinet.aw