Page 23 - bon-dia-aruba-20180824
P. 23
a23
bista politico Diabierna 24 augustus 2018
Parlamentario Daphne Lejuez(MEP):
‘Iniciativa di ‘Park & Ride’ por bira un bon solucion pa problema di
parkeo den ciudad’
ORANEJSTAD - A tuma nota cu minister encarga cu
Transporte, Chris Romero(MEP), lo bay anuncia e mane-
ho nobo pa locual ta AruParking. Parlamentario Daph-
ne Lejuez (MEP) kier a trece atencion na algun observa-
cion y comentario ricibi den cuadro di e situacion actual.
“Gran parti di e necesidad pa parkeo den ciudad ta pa esunnan
laborando den ciudad”, parlamentario Lejuez ta comenta. E
parlamentario ta enfatisa cu falta di sancion riba parkeervak
blanco a hiba nos na caos, unda cu esunnan cu ta usuario di vak
geel awor tambe ta haci uzo di vak blanco ora nan ta mas cerca
di nan luga di trabou. “Esakinan apenas ta algun observacion
cu ta duna indicacion cu e raiz di e problema ta pa tin espacio
di parkeo adecua pa esunnan laborando na Playa, y pa si logra
haya un solucion pa esaki e lo por conduci na resta espacio
di parkeo suficiente pa cliente”, segun Parlamentario Lejuez.
‘Park & Ride’
Algun sugerencia cu e parlamentario ta trece dilanti ta cu por
ehempel un ‘Park & Ride’, cual ta algo cu na varios ciudad
na Hulanda tambe e parlamentario mes a experiencia durante
su bishita recien. “Pues unda cu por parkeer pafo di ciudad
pa henter dia pa un suma fiho, y unda cu tin servicio di bus/
shuttle regularmente pa transporta hende pa diferente parada
strategico den centro di ciudad y bek”, e parlamentario ta
comenta. Esaki lo por ta un opcion pa esunnan laborando den
ciudad como tambe cu kier pasa dia den ciudad sin worry cu
parkeermeters. Un solucion manera ‘Park & Ride’ no mester
ta un proposicion costoso manera un parkeergarage, ya cu es-
aki por wordo haci cu tereno di gobierno bashi pafo di ciudad,
y lo por wordo maneha pa e personal ya existente di Arupark-
ing/Arubus, y tambe lo por wordo ofreci na un abonnement
rasonabel pa stimula su uzo.
E parlamentario ta conclui cu: “Implementando un solucion
pa parkeo di esunnan laborando den ciudad lo amplia espacio
pa bishitantenan por parkeer y asina aki tambe alivia e reto
actual di parkeo.”
FOR ALL YOUR FLYER
DISTRIBUTIONS
Call: 582-7800
email: accounting@cspnv.com
