Page 27 - KPA

renova su propio cas, traha pool, pone solar pannels. Otro placa a wordo usa pe cumpra un
pickup pa su yiu homber y pa paga gastonan y huur pa su amante na Aruba.
Na Augustus 2016, Setar a duna Sr. Koolman su retiro di e compania.
Tur cos ta mustra cu Koolman a bandona Aruba y a bay biba na un cas na Hialeah Miami.
Miami Herald a bishita su cas diaberna ultimo na Hialeah, pero Koolman no a contesta e
mensahe di Miami Herald.
Pa mas di 10 anja largo, Koolman tabata horta Setar den compra di telefon celular, y no ta
descarta cu tin mas Arubiano cu tambe tabata meti y tabata na altura di e negosacionnan aki y di
comicionnan bao mesa.
Egbert Koolman tabata cumpra telefon celular na prijs 20% mas halto, di cual e tabata ricibi e
placa aki den su cuenta, unda tanto su esposa, su amante y otronan tabata yuda den e operacion
aki.
Mas tristo ta cu e telefonnan aki tabata segunda mano, “refurbished” ! Es decir cu abo como
clientela di Setar tabata cumpra un telefon nobo, pero realmente e tabata segunda mano.

Miami Herald a aserca e compania na Miami, y e compania na Miami a nenga cu tin algo robes
cu a tuma lugar. E esposa di Koolman a divorcia di Koolman anja pasa y entretanto tambe a
wordo poni riba schorsing na Banco Central of a wordo retira.
Nos lo sigui amplia riba e caso, cu mas informacion di Miami Herald.
Turistanan di Argentina, victima di atraco arma

dilanti Superfood

13 hours ago 0 43 Views
Bubali – Dialuna atardi den careda di 5’or pasa un biaha mas Aruba ta wordo confronta cu un atraco
arma, caminda lamentablemente un pareha turista procedente di Argentina a bira victima.
Manera ya nos a bin ta bisa, e atraconan cometi ultimamente ta sea ariba cas di famia of persona ariba
caya. Personanan cu a wordo atraca algun tempo pasa ariba caya, si ta corecto mayoria tawata den
oranan di anochi.
Loke a pasa awe tardi y ariba un caminda asina trafica ta lagabo sin palabra. E persona of personanan cu
ta tras di e crimen nan aki ta sernan sin moral. Pues di e personanan aki bo por spera lo peor, contal nan
haya loke nan ta busca.
Señora Rasmijn vocero suplente di cuerpo policial a duna e siguiente relato :
“Pa mas o menos 5:or pasa dos turista di Argentina a ser atraca den e mondi tegenover di Superfood. Na
yegada di patrouille ta topa cu e turistanan y nan ta conta cu 30 minuut prome nan ta canando den e
mondi tegenover di superfood na unda un hende homber bisti na t-shirt shinishi y short y color di cuero
bruin habla spaño lo a saca un arma di candela y a bai cu nan pertenencianan. Ta trata di dos rugtas y
den dje ta tin nan pertenencianan entre otro iphone ibook etc plus $ 200. Polis a hibanan na oficina di
Atraco Team y na unda tambe slachtofferhulp a presenta pa asina guianan den e trauma cu nan a pasa a
den.
Ken cu por a wak algo jama tiplijn di polis 11141”.
Tur cos a wordo papia y poni ariba papel, tur hende ta na altura di tur loke mester wordo cambia, pero
asina mes nada nada no ta cambia.