Page 10 - MIN JUS

Ministerio Publico ta organiza competencia di requisitoria pa
studiantenan di derecho na Aruba

Tuesday, 24 January 2017 13:26
Comparti

Ministerio Publico a organiza hunto cu Corte Superior di Husticia, Universidad di Aruba (UvA) y Ordo di
Abogadonan un competencia di requisitoria pa studiantenan di ley na Aruba. E competencia lo tuma
lugar na fin di maart venidero. E ganador lo participa na e final di e Competencia Nacional di
Requisitoria pa Studiantenan (NRWS) riba 21 di april 2017 na Amsterdam.
Mescos cu Aruba, Curaçao tambe lo tene un competencia y lo participa na e final na Hulanda. E
competencia na Curaçao lo tuma lugar riba 17 di maart. Tur gasto lo wordo cubri pa Ministerio Publico
na Hulanda. Un fiscal lo coach e candidatanan prome cu e competencia. E competencia ta encera cu e
participantenan ta drenta den rol di un fiscal y ta haya un dossier, a base di cual nan lo tene un
requisitorio y lo reacciona den replica riba e defensa di un abogado. Di e manera ey, lo imita un caso
penal mas realistico posible. E ganador lo wordo saca pa un hurado profesional. Na Hulanda e
finalistantanan lo participa tambe na un wordshop di tecnica di debate pa e Instituto di Debate di
Hulanda. E iniciativa aki tambe ta pas den e meta di Procurador-General di Aruba pa recluta
miembronan di Ministerio Publico den futuro aki na Aruba mes.