Page 9 - MIN JUS

Justitiële Vierlanden Overleg na Aruba a bay den

bon ambiente

2 hours ago 0 5 Views
ORANJESTAD: Recientemente a tuma lugar Justitiële Vierlanden Overleg na Barcelo Aruba. E reunion
aki ta uno cu ta tuma lugar dos biaha pa aña entre ministernan di husticia di Reino. Despues cu e
delegacionnan di e cuatro paisnan a hiba un discusion extensor riba varios topiconan di interes comun pa
tur paisnan den reino, diamars den oranan di atardi, esaki a termina. Minister Arthur Dowers di Aruba,
minister Rafael Boasman di St Maarten, minister Ard van der Steur di Hulanda como tambe minister
Ornelio Martina di Corsou, a dialoga durante dicho reunion diamars riba e temanan manera, polis, prizon,
traficacion di hende, terorismo, como tambe e rijkswet cu ta bay over di funcionamento di hof pa e
diferente paisnan..

Durante e conferencia di prensa teni na final di e cumbre, Minister Dowers a yama tanto ministernan
Martina di Corsou y Boasman di St. Maarten un cordial bon bini, na nan prome cumbre di JVO. Minister
Dowers a sigui bisa; “e reunion aki, como cu tin un ambtelijke aparaat cu ta sostene e reunion y e tin un
secretaris cual ta haci cu tin un continuidad den un tempo hopi lihe, manera cu a bin ta sosode den e aña
aki y tambe eficiente. Nos a logra riba mayoria punto consensus, entre otro riba e discusion cu ta
hibando riba prevencion di mensensmokkel”.
Minister Dowers a continua bisando e mandatarionan present a haya un presentacion di ministerio
publico riba aspecto di traficacion di hende, y a mira un adelanto despues di a firma un protocol riba e
tereno aki algun tempo atras. “Nos ta felicita St. Maarten cu a logra un T1, cual ta e nivel di mas halto di
logro riba tereno di combatimento di traficacion di hende, despues cu nan a desmantela algun
organisacion criminal cu ta ocupa nan mes cu esey”, minister Dowers a expresa.
Riba e mesun topico di mensenhandel y mensensmokel, a keda palabra cu pais Aruba ta sigui cu e bon
trabao cu a bin ta haci. Loke cu awor mester inverti mas den dje ta, e parti caminda cu ta bay atende cu
esnan cu ta ocupa nan mes cu e fenomeno aki pa persigui nan den corte. Tin un taskforce cu ta bay keda
instala na e momentonan aki y ta spera cu pronto Ministerio Publico lo por bay over na e detencion di es
nan cu ta haci nan mes culpabel na e echo condenabel aki.

Pa loke ta trata combatimento di terorismo, e ta mas cu logico y comprendibel cu no ta tur cos por wordo
comparti cu publico, paso e criminal no por haya sa e plannen cu tin di parti es nan encarga cu
seguridad, pero riba tereno di comabtimento di terorismo, minister Dowers a asegura cu tin hopi cu a
wordo haci caba y cu a keda palabra un biaha mas entre tur pais den Reino, cu nan lo continua cu esaki
tambe.
Hasta cu lo bay uza mas instrumentonan pa fortifica e fronteranan miho ainda sea local of internacional.

Mientras cu e puntonan cu ainda no a logra consensus di parti di Corsou, Hulanda y St. Maarten, segun
minister Dowers cu e topiconan aki lo wordo descuti bek dentro di un luna.