Page 21 - MIN JUS

Ta trata di un proyecto cu a costa 2 miyon Florin y dialuna mainta a keda entrega na
gobierno door di Anno Postma, project leider di Albo Aruba.

Espacio moderno pa e kiosconan ta forma parti di e vision di Gabinetenan Mike Eman

pa trece un cambio grandi pa Aruba. “E proyecto di kiosco ta parti di e vision grandi,
pero tambe e ta parti di un promesa haci cu un grupo di comerciante humilde cu Aruba
tin,” Eman a bisa durante su discurso na e ceremonia.

E mandatario a recorda cu tabata na inicio di su carera politico cu el a siña conoce e
grupo aki. “Nan tabata worde trata na un manera cu no ta digno pa trata nos
hendenan. Un rato nan tabata dilanti waf, despues a manda nan for di markthallen y a
manda nan patras di Aruba Trading.

Despues a move nan pa banda di waf den kiosconan di palo sin ningun ventilacion, sin
awa ni coriente. Gobierno a pone e compromiso pa traha un luga special pa nan y a
ubica nan banda di Arubus den forma temporal. E destinacion final di antes tabata

areanan sin perspectiva y nos a bisa nan cu nan merece un area cu perspectiva y bou
di condicionnan hopi mas husto y adecuado pa nan por provee pa nan famia. Nos a hiba
e lucha aki pa e kioskeronan y awe mi ta sintimi sumamente orguyoso pa bisa cu un
otro promesa cu a worde haci cu trabao duro a worde cumpli. Ta otro promesa cu nos a

cumpli cune.”

Tur esnan cu tin permiso pa un kiosco tin su espacio garantisa den e edificio moderno,
dilanti waf di Playa. “Di e forma aki nan tin continuacion di nan negoshi den un forma

hopi mas husto.” Prome Minister Eman a gradici Minister di Infrastructura Benny
Sevinger, pero tambe InfraTeam pa realisacion di embeyecemento di e area rond di waf
y cumplimento cu un grupo humilde di persona. “Esaki ta e vision cu nos a bisa cu nos
tin pa pais Aruba.

E ‘kioskeronan’ cu no tabatin un futuro mucho prometedor, awe nan tin un kiosco husto
na e nivel di desaroyo, unda cu di esun di mas chikito te na esun di mas grandi tin
oportunidad igual den e pais aki. Esey ta refleha e determinacion cu cual nos a bin ta

trahando e ultimo añanan y awe nos por bisa cu a cumpli cu un parti importante di
embeyecemento di Aruba y cumplimento cu un grupo humilde di persona.”