Page 13 - MIN JUS
P. 13
16 AWEMainta Diahuebs, 22 December 2016
Por lo menos 31 morto confirma den explosion
riba un mercado di klapchi na Tultepec, Mexico
CIUDAD DI MEXICO – Diamars ultimo, un
serie di explosion riba mercado di San Pablito den
e pueblo di Tultepec, Mexico a laga por lo menos
31 morto, decenas herida y hopi destruccion.
E mercado di San Pablito ta conoci como e “Capi-
tal di Klapchi” di e pais. Famianan tabata para den
rijnan largo pa cumpra klapchi pa tira durante e
ultimo dianan di aña 2016.
Pa motibonan ainda desconoci, e klachinan a
explota den e mercado cu tabata yen riba e dia
tragico ey.
Mientras bomberonan tabata combatiendo e vlam-
nan inmenso a causa di e explosion, testigonan
tabata riesga saca potret y graba con e shelo a bira
scur di e humanan diki cu a wordo produci.
Pueblonan cercano tabata sinti con e tera tabata
sacudi durante e desgracia aki.
Hendenan tabata core pa nan bida, algun pur-
bando di scapa bida di otro memey di e caos.
Di acuerdo cu Gobernador di e Estado di Mexico,
Eruviel Avila, 72 persona ta confirma herida,
hopi cu kemaduranan grave. Victimanan a wordo
traslada pa hospital di Limas Verdes y hospital
Magadela de las Salinas.
Teamnan forensico a haci un buskeda riguroso
pa posibel restonan humano den e ruinas di e
mercado. Ainda autoridadnan no a bisa kico ex-
actamente a causa e explosion.
