Page 43 - JUS DEC 9

8 AWEMainta Diabierna, 9 December 2016

Despues di tende ambos banda di medaya

Conclusion ta cu e Arubiano no ta gusta cumpli cu su obligacion fiscal

DESPUES di tende e vocero di Departamento di
Impuesto, sra. Meverly Romano expresa su preocu-
pacion cu tin, e.o. p.e. pa 2016 na Departamento di
Impuesto tin registra como 46058 auto ta coriendo
rond sin a paga nan number di auto pa 2016.
Den esaki sigur tin doño di auto cu no a paga nada
mes, ni parti di aña, demostrando cu e sistema aki no
ta bon y no tin ningun clase di control debido.

Despues Minister di Finanza, mr. Angel Bermudez
tambe a spanta di e cifranan cu el a tende cu te ainda
ta delicuente, esta cu no ta paga nan belasting di auto,
a dicidi di haci su propio investigacion y a conclui e
informacion cu e tin ta cu no por papia di 62%, pero
di 5%, ora cu pa fin di luna aki, tur hende paga.
Segun Minister Angel Bermudez, e tin di bisa cu ora a
bay analisa e cifranan cu a wordo uza p’e participacion
aki, el a ripara mesora cu e conclusion robes a wordo
saca.
Si wak bon, ta mira cu tin 297 mil kwartaal pa paga
en total, dor di tur doño di auto, di e cantidad aki,
falta 14900.
Es decir falta 5% di tur kwartaal cu mester wordo paga
e aña aki ainda y cu ta sigur e lo wordo paga e fin di
di luna aki ainda.

Meverly Romano a duna un splicacion di e 62% di
hende cu no ta cumpli cu ley.
Di e 62% aki, e ta lo siguiente: Pa A-nummer tin
41825; pa autobus, 87; O-Vervoer 276; plachinan T
tin 216; V-carnan 2645; Taxi tin 165 y trucknan di
diesel tin 844 sin paga nan number di 2016.

Pesey despues di tende e dos bandanan di medaya,
nos ta saca un solo conclusion cu tin hopi Arubiano
cu no ta cumpli cu nan obligacion fiscal, e.o. di paga
nan number di auto.
E denuncia haci pa Departamento di Impuesto, bon
of malo, a habri wowo di hasta nos mandatarionan pa
wak kico pa haci den future.
Maske ya a ser bisa pa Minister Bermudez como e
vocero di Departamento di Impuesto, cu nan ta spera
di por recupera e placa no a logra di wordo cobra, pa-
sobra ningun hende lo no por paga pa un sticker si e
tin cuenta habri na Departamento di Impuesto.

Meverly Romano a admiti cu nan no ta nada satisfecho
cu comportacion di e contribuyentenan cu a keda sin
cumpli.
Maske cu a keda demostra cu e sistema di sticker no
ta eficiente, Gobierno a dicidi di sigui cu e sistema aki.
A ser bisa cu tin un concepto pa cambia ley, cu ta na
Parlamento caba, kier men, Parlamentarionan tambe
tin nan obligacion pa yuda drecha cos.
Y no ta Polis so mester haci control, pero tambe e
companianan di seguro.