Page 2 - CMB
P. 2
Banconan A Confirma: Directiva Di Lotto Nunca
Tabatin Ni Tin Credit Card
Local
- 04/08/2019
Despues cu Minister di Deporte Dangui Oduber y Minister Presidente Evelyn Wever a
publica riba nan pagina di Facebook cu Hunta di Supervision di Fundacion Lotto pa
Deporte ta abusa di fondonan di deporte, mesora a start un investigacion interno.
A straña di mira un decision di 10 aña pasa di miembronan di directiva cu no ta activo
mas, cu lo a acorda pa uzo di credit cards.
Locual a compronde cu e tempo ey, Minister Mike de Meza a para e decision y nunca a
ehecut’e. Asina mes, e Hunta di Supervision actual a pidi banconan pa confirma esey
“preto riba blanco”, di cual tanto CMB Bank como Aruba Bank a sigura cu for di aña
2009 pa awor, miembro di Hunta di Supervision nunca tabatin ni tin credit card na nan
disposicion.
A PIDI MINISTER PA ACLARIA PUBLICACION TENDENCIOSO
Separa di e peticion na banconan, tambe a sali un carta direccion di Minister Dangui
Oduber, den cual a solicita di dje pa corigi e informacion eroneo cu el a publica riba red
social. E ta fastioso p’e fundacion, siendo no politiconan, pa cay den un discusion
politico.
