Page 7 - CMB
P. 7
Segun FLPD, banconan ta confirma cu
directiva Lotto nunca tabatin credit
card
Posted on 08/4/2019 8:08 pm AST | Updated on 08/4/2019 8:25 pm AST
ORANJESTAD - Segun Fundacion Lotto pa Deporte, e banconan ta confirma cu
directiva Lotto nunca tabatin credit card. Dos carta, uno di cada banco (cu
NoticiaCla.com a haya un copia di dje) ta mustra esaki. Segun e comunicado di
Lotto, despues cu Minister di Deporte Dangui Oduber y Minister Presidente Evelyn
Wever a publica riba nan pagina di Facebook cu Hunta di Supervision di Fundacion
Lotto pa Deporte ta abusa di e fondonan di deporte, mesora a start un investigacion
interno. Segun Lotto, a straña di mira un decision di 10 aña pasa di e miembronan
di directiva cu no ta activo mas, cu lo a acorda pa uzo di credit cards. Locual a
compronde, cu e tempo ey, Minister Mike de Meza a para e decision y nunca a
ehecut'e. Asina mes, e Hunta di Supervision actual a pidi e banconan, pa confirma
esey "preto riba blanco", di cual tanto CMB Bank como Aruba Bank a sigura cu
for di aña 2009 pa awor, miembro di Hunta di Supervision nunca tabatin ni tin
credit card na nan disposicion.
