Page 18 - BNDIA ARUBA

a18 deporte internacional
Diahuebs 25 Juli 2019
Tour De France 2019 Etapa 16 Pont du Gard - Gap

Matteo Trentin ta drenta su so; Martin y Rowe expulsa

GAP - E ultimo etapa di Tour de France prome
cu e tres etapanan di montaña di awe, mañan y
diasabra no tabata conoce subida fuerte, pero
cu 200 km y un calor sofocante no tabata nada
facil tampoco. Un grupo grandi di 34 coredo
menos bon posiciona den clasificacion gener-
al a haya aprobacion pa bay dilanti y na dado
momento hasta a yega na bentaha di mas di 15
minuut. Na meta final esaki a bira 20 minuut,
cu e peloton tumando un dia liber pa prepara
pa loke ta bin den e proximo dianan.

E grupo den escapada no por a keda hunto tampoco,
mirando e interes di varios pa purba gana e etapa.
E Hulandes Bauke Mollema a purba bandona e
grupo pero no a yega leu. Despues di varios inten-
to a forma un grupo dilanti cu diferente candidato
fuerte, manera campeon olimpico Greg van Aver-
maet, Kasper Asgreen, Dylan Teuns, Daniel Oss y
Nils Politt. Mollema a descuida y ora e grupo di 33 a
split, e tabata patras den e grupo. Den e persecucion
cu a sigui Mollema a logra yega dilanti atrobe, pero
mientras tanto Matteo Trentin a probecha di e ul-
timo subida (Col de la Sentinelle; tercer categoria)
pa escapa y yega na finish tambe su so, cu Asgreen,
Mollema, Teuns y Izagirre drentando na menos di
un minuut, y e resto di e escapada cu varios min-
uut di retraso. E peloton, coriendo na velocidad di
paseo, tabata conforme, mas preocupa cu e calor cu
no a kita a pesar di un fuerte awasero na caminda cu
a yuda mantene e situacion manehabel.
Cu su victoria pa ekipo Mitchelton Scott, Trentin a
percura pa di cuatro victoria pa e ekipo den e Tour
aki, haciendo esaki un exito a pesar cu nan no tin
ningun coredo den top di e clasificacion. Cu dos
victoria di Simon Yates, un biaha Daryl Ympey y
esun di ayera di Trentin, esaki ta e tour mas exitoso
pa e ekipo te awor. Trentin a celebra su di tres vic-
toria den Tour de France.

Tony Martin y Luke Rowe expulsa
E conmocion mas grandi di e careda a bin despues
di e competencia, ora cu jury a sanciona dos core-
dor, Tony Martin di Jumbo-Visma y Luke Rowe di
Ineos, pa un altercado cu ningun a duna gran im-
portancia, pero tabata bon visible riba imagennan
oficial di careda. Na final di e careda y na cabes di e
peloton, ambos tabata busca miho posicion y a pu-
sha otro, acuasnado iritacion. Nan a ‘shake hands’
despues di careda y no a spera cu e jury lo sanciona
nan mandando ambos cas. Tur dos ta di suma im-
portancia pa nan respectivo ekipo (Ineos, Jumbo
Visma) y nan lidernan, Thomas y Kruiswijk, cu ta
number dos y tres den e clasificacion. Esun cu por
probecha di esaki ta lider Alaphilippe, cu no tin un
ekipo fuerte pa dun’e apoyo y ta mira su oponen-
tenan perde parti di esun di nan. Un decision Fran-
ces na Francia pa faborece un Frances?

Etapa 18 Embrun - Valloire 208 km
Muy probablemente e prome di e tres etapanan di
montaña tras di otro, di 208 km entre Embrun y
Valloire, lo ta esun mas dificil. Cu Col de Vars, Col
d’Izoard y Col du Galibier tin tres subida sigui cu ta
culmina na mas di 2.000 metro di altura. E ultimo,
Galibier, ta na 19 km di finishline na Valloire y lo tin
un bataya candente entre e mihonan den clasifia-
cion general pa no cay atras y yega meta cu perdida
di tempo. Cu e calor actual na Francia, e ta parce di
bira un bataya entre esunnan cu na e fase di e careda
aki ainda ta fit.

Tin hopi comentario cu esaki lo por ta e ultimo dia
cu Alaphilippe ta bisti e jersey geel di lider, pero esey
no ta sigur. Cu seis candidato dentro di dos minuut
di otro, e parti di mas sensacion di e tour aki, rumbo
pa Paris diadomingo, ta cuminsa awe.