Page 76 - KPA

Noticianan di polis pa 13 di Februari 2017

Tuesday, 14 February 2017 21:57
Comparti

Aki ta sigui un resumen di noticianan di polis pa loke ta dialuna, 13 di Februari.

Señora a topa cu su pertenencianan den bari di sushi

ORANJESTAD - Dialuna, pa mas of menos 12’or y 43 di marduga, Central a manda patruya den Celsiusstraat pa un
ladronicia. Na e sitio polis a papia cu e dama R. kende a declara cu desconocidonan a horta den su cas. El a declara
tambe cu el a topa cu e articulonan den un prullebak. E prullebak no tabata di dje. Segun e dama, e prullebak (di
Serlimar) di e sospechoso of e mester a wordo horta. Dicho prullebak a wordo confisca pa polis y treci na warda.
Keho a wordo tuma di intento di ladronicia. E articulonan cu a wordo haya den e prullebak tabata entre otro habon
di laba paña y carni. E señalamentonan di e sospechoso ta: color bruin y e tabata tin un carson cortico bisti. E
sospechoso a laga su sapatonan atras. Segun un testigo tabata na e sitio, a conta cu ta trata aki di un adicto
ambulante, cu ta biba den Edisonstraat, kende tabata envolvi. Ta papia aki di Rudolf Kelly, alias Dof. Esaki tin
atencion di polis.

Polis a purba di cera negoshi pa motibo di sonido duro

SAVANETA - Dialuna, pa mas of menos 12’or y 55 di marduga, Central ta dirigi patruya na Terrace bar, situa na
Savaneta, pa molester di zonido duro. Eynan a papia cu e dama R. kende a declara cu e localidad tin vergunning te cu
1’or di mainta. Mirando cu tabata falta cinco minuut, polis a keda warda te ora cu e local a cera. Central a wordo poni
na altura.

Turista ta wordo horta na MooMba Beach

PALM BEACH - Dialuna, pa mas of menos 3’or y 7 di marduga, Central a manda patruya na un High Rise Hotel pa
un caso di ladronicia. Eynan a papia cu e homber yama M. kende a declara cu pa 12’or y mey di marduga, e tabata cu
su casa na Mooba beach, ora cu e casa su tas bruin cu contenido a wordo horta. Den e tas tabata tin un celular iPhone
7 cu un kaft color berde y mas of menos 100 dollar. Keho a wordo tuma. Central a wordo poni na altura.

Homber ta bisa dama cu e ta loco

CURA CABAY - Dialuna, pa mas of menos 10’or y mey di mainta, a presenta na warda e dama L y a declara cu e
tabata den un autubus y a papia cu e chauffeur di bus, kende e conoce como S. Durante su combersacion cu S., un
homber desconoci pe (un pasahero den e bus) a cuminsa papia cu nan. Dado momento e homber a bisa L cu e no ta
bon di cabes. L. a rabia y a insulta e homber. E ora e homber a bisa L. cu e lo bay tir’e. Segun L. e homber ta papia
Spaño. Ta pa prome biaha cu L a mira e homber aki. E tin e siguiente descripcion; e ta largo, postura flaco, tin beugel
den su boda, ta bisti un pechi blauw cu un camisa strepia. E homber tabata tin un rugtas cun’e. E homber a wordo
baha na altura di Cura Cabay Store. L. ta desea pa polis papia cu e homber. L. no tin miedo p’e, pero mirando cu ta
trata un homber di habla Spaño, e no sa si e homber lo cumpli cu loke el a bisa. Lo bay informa un ke otro na