Page 77 - KPA

patruyanan pa tira un bista riba e persona aki. E caso aki tin atencion di polis.

Molester di awa di pos na San Barbola

SAN BARBOLA - Dialuna, pa mas of menos 2’or y mey di merdia, den cuadro cu otro asistencianan polis di bario a
bay na San Barbola pa papia cu un habitante riba e molester cu e tin pa motibo di awa di pos. A papia cu e muher S,
cual polis a mustr’e cu e tin cu paga tino cu ora e pomp awa for di pos pa muha su matanan, pa esaki no pasa voorbij,
pasobra e ora e por haya problema cu e bisiñanan. Polis a wordo yama pa e bisiña diabierna, caminda cu a wordo
mustra cu e awa di pos ta para den su cura. Polis a mira cu en berdad e tera tabata muha y e santo tabata tin color
berde. E bisiña a mustra comprension y lo percura pa esaki no pasa mas.

Homber ta cende candela pasobra e ta alergico na sangura

SAVANETA - Dialuna, pa mas of menos 10’or y mey di mainta, comandante na warda a dirigi patruya na Rising
Dragon na Savaneta, caminda bisiñanan tabata keha. Eynan a papia cu e homber HO, kende a declara cu e dia prome
el a cende un candela chikito pasobra den e vecindario tin hopi sangura y cu e ta alergico pa sangura. El a wordo
atendi fuertemente riba su comportacion y el a mustra comprension. Central a wordo poni na altura.

Muhe a mira peeping Tom na bentana di sala

SAN NICOLAS - Dialuna, pa mas of menos 5’or y 25 di atardi, e dama S. a bin na warda y a conta cu pa banda di 6’or
di mainta, despues cu el a caba di baña, a mira dado momento un luz den cas. S. a sigui splica cu cerca di e bentana
di e sala el a mira un persona y cu dicho persona tabata tin un flashlight den su man. Su yiu muhe di 9 aña a haya
miedo y a core bay den baño. S. a mira e luz na e bentana di e baño. Segun S. el a yama polis, pero ningun hende no a
yega. Esaki tin atencion di polis. Comandante na warda a wordo poni na altura di un ke otro.