Page 42 - MIN ON 26 APRIL 2017

Camara di Comercio ta informa cu carchinan ta obtenibel pa
e debatenan electoral

Tuesday, 25 April 2017 17:46
Comparti

Camara di Comercio y Industria di Aruba (KvK) ta informa cu carchinan ya caba ta disponibel pa publico
cu kier ta presente durante e debatenan riba dianan 8 di juni y 17 di augustus. Lo tin 2 seccion, esta VIP
@ Awg. 200,00 y General @ Awg. 100,00. Si cumpra carchi pa tur dos debate lo ricibi 10% di descuento.

E carchinan VIP ta brinda e oportunidad pa den un VIP Lounge tene combersacion riba un nivel mas
personal cu e participantenan despues di e debatenan. Tene cuenta cu e cantidad di cupo ta limita, tanto
pa General como VIP. Pa cumpra carchi por tuma contacto cu Oruba Visions cu ta encarga cu e benta.
Oruba Visions ta situa na Stadionweg 11 na Dakota y nan oficina ta habri di dialuna pa diabierna di 10:00
AM pa 5:00 PM. Por tuma contacto via 585-0054, 564-5685 of 746-1084 y por bishita nan pagina riba
Facebook. E dos debatenan lo tuma luga den e ballroom di Marriott Grand Ballroom y lo ser transmiti
tambe en bibo via Tele-Aruba. Pronto KvK lo informa tocante e.o. e structura di e debatenan, reglanan di
conducta pa e participantenan como tambe pa e publico presente na e debatenan. KvK ta haya
importante pa e eleccion ta uno transparente y kier contribui pa e pueblo votado por scucha di e lidernan
di e partidonan participante kico ta nan punto di bista riba e diferente topiconan cu lo wordo treci dilanti
y cu ta na interes general di Aruba. Pa cualkier otro informacion y/of pregunta por tuma contacto cu KvK
via 582-1566 ext. 27/30/35/42 of via e-mail: businessinfo@arubachamber.com. Tambe por bishita e
website di KvK www.arubachamber.com y su pagina riba Facebook pa asina keda informa

http://www.24ora.com/index.php?option=com_content&view=article&id=121164:camara-di-comercio-
ta-informa-cu-carchinan-ta-obtenibel-pa-e-debatenan-electoral&catid=1:local&Itemid=5