Page 18 - MIN ON

“No tin niun sorto di transparencia riba e deal cu a wordo cera cu CITGO. Nada no ta
wordo comunica cu pueblo. Esaki ta hole hopi malo y ta mustra manera cu Gobierno a
negocia for di un posicion di desesperacion. Esaki lo por tin consecuencianan negativo
den future.”

Nos hobennan di e forma aki ta dunando nan granite pa contribui na un mihor plan di
gobernacion pa un mihor Aruba. Nan kier mas eficiencia y transparenccia di nos
ambtenaren apparaat, stop cu tanto coordinador, baha gasto di AZV, baha e debe di pais
Aruba, segun Joselin.

E hobennan aki no ta bisando nos algo cu nos no sa caba. E problema ta cu nos tur sa
pero nada no ta wordo haci pa trece e cambionan aki, al contratrio Gobierno a emplea
mas di 300 coordinador, y a emplea mas persona den e sector publico.

Gobierno ta pagando coordinadornan salarionan cu hamas e hobennan aki cu a studia
duro na Hulanda lo gana den sector priva na Aruba. Claro cu nan ta disgusta. Gobierno
no a baha e debe nacional di pais na e nivel internacional di 45% di nos GDP, al contrario
Gobinero a presta mas placa y e debe a bira mas grandi ainda sin cu Gobierno a baha su
gastonan.

E Forsa Nobo si tin su oreanan hancho habri pa e preocupacion y e deseonan pa cambio
di e hobennan aki. Nos lo traha un plan di gobernacion cu ta acapara nan
preocupacionnan y nan deseonan, Joselin Croes a duna di conoce.